نشطاء فريق يلا نغير زايد يستعدون لاستقبال موسم «البطاطين» بحملة مبكرة لتوزيع البطاطين على المحتاجين

كتب: هانى رفعت

بظهور البلح، يستعد الفلاح لموسم الخريف، ويستعد النشطاء لاستقبال موسم «البطاطين» بحملة مبكرة لتوزيع البطاطين على المحتاجين والفقراء وسكان الشوارع، لمواجهة فصل بارد لن يقل عن نظيره العام الماضى،

رافعين شعار «مش زى كل سنة نفتكر الغلابة اللى بيناموا فى البرد بعد ما بيكونوا ماتوا من البرد، هنتصرف قبل المشكلة ما تحصل، ألف باء إدارة مشاكل بتقول كده». الدعوة أطلقها «نشطاء الشيخ زايد»(فريق يلا نغير زايد)،

خلال صفحة على موقع الفيس بوك بعنوان: «حملة توزيع البطاطين قبل البرد»، مناشداً من خلالها جمع أكبر قدر ممكن من البطاطين لتوزيعها على الحالات المحتاجة بالمدينة «يارب نقدر نعمل كده فى كل مشاكلنا».

أوان البرودة التى تتسرب ليلاً إلى أطرافه عجلت بفكرته، التى بدأها بالفعل  قائلا«الحمد لله جمعنا
السنة اللي فاتت بمساعدة اهل الخير 400 بطانية اتوزعت على اكتر من 300 اسرة من سكان زايد اللي بيحتاجوها في برد الشتا الشديد اللي كل اهل زايد وسكانها عارفين صعب اد ايه ( ما تستغربوش زايد فيها فقراء كتير )

ان شاء الله السنة ديه مكملين وبدأنا بالفعل جمع التبرعات لشراء 500 بطانية وممكن اكتر سعر البطانية 50 جنية كل اللي حابب يشارك يتواصل معانا 01289973100